Heç bir ev uzaqdan qəbul edilmir. Komandamız yerinə gedir, otaqları, sanitar qovşağı, həyəti və giriş yolunu yoxlayır.
Brona standartı
Bu nişanı daşıyan evi şəxsən yoxlamışıq, şəkillərini özümüz çəkmişik və hər qonaqdan əvvəl siyahı üzrə hazırlanmasına nəzarət edirik — hazırlıq foto ilə sənədləşdirilir və bizim təsdiqimizdən keçmədən rezervasiya açılmır. Standartın pozulduğu halda nə edəcəyimiz aşağıda konkret yazılıb.
Bir
Ev elana çıxmazdan əvvəl
Bu maddələrin hamısı yerinə yetirilməyincə ev elanlarda görünmür.
Elandakı şəkillər ev sahibindən alınmır — biz çəkirik. Hər otaq, mətbəx, sanitar qovşaq və həyət daxildir. Real vəziyyəti gizlədən bucaq və ya süni işıqlandırma işlədilmir.
Qonaq tutumu, otaq sayı, hovuz, manqal, isitmə — hamısı yerində təsdiqlənir. Təsdiqlənməyən imkan elanda göstərilmir.
Wi-Fi sürəti yerində ölçülür və elanda göstərilir. İnterneti olmayan ev bu barədə açıq yazılmadan elana çıxmır.
İşlək yanğınsöndürən, ilk yardım qutusu, qazanxana və elektrik lövhəsinin vəziyyəti yoxlanılır. Qaz cihazı olan evlərdə sızma yoxlaması aparılır.
Evə çıxan yolun vəziyyəti yazılır: adi avtomobil qalxırmı, qış aylarında keçilirmi. Yol çətindirsə, elanda birinci sətirdə görünür.
İki
Hər qonaqdan əvvəl
Ev bir dəfə deyil, hər rezervasiyadan əvvəl yenidən hazırlanır — və hər dəfə eyni qaydada yoxlanılır.
Ev auditdən keçəndə onun üçün fərdi yoxlama siyahısı tərtib olunur: hansı otaq, hansı avadanlıq, nəyə diqqət. Hazırlıq həmin siyahı üzrə aparılır — yaddaşdan yox.
Yataq, hamam, mətbəx, həyət — hər biri hazırlıqdan sonra şəkilə alınır. Şəkillər mobil tətbiqdən çəkilir və tarix-saat damğası daşıyır, qalereyadan köhnə şəkil yükləmək mümkün deyil.
Şəkillər Brona-ya gəlir və biz siyahı ilə tutuşdururuq. Nəyisə görməsək və ya qaneedici saymasaq, hazırlıq yenidən aparılır. Siz yalnız təsdiqlənmiş evə gəlirsiniz.
Yuyulmuş çarşab və dəsmal dəsti kağız bantla möhürlənir. Bant açılmayıbsa, o dəstə sizdən əvvəl heç kim toxunmayıb.
Sabun, şampun, diş fırçası, tualet kağızı və təmiz dəsmallar hazır olur. Dəsti biz təchiz edirik — hər Brona evində eynidir.
Əvvəlki qonaqdan qalan hər hansı qeyd (sınıq, işləməyən cihaz) siz gəlməzdən əvvəl həll olunur və ya elanda açıq göstərilir.
Üç
Sözümüzdə durmasaq
Zəmanət qalma müddətində, evdə olduğunuz vaxt işləyir — bunun üçün mübahisə etmək, sübut toplamaq lazım deyil. Bizə zəng edin, qalanını biz edək.
Ev şəkillərdən əsaslı fərqlənir
Eyni gün ərzində eyni bölgədə uyğun ev tapırıq. Tapılmasa — ödənişin tamamı qaytarılır.
Ev təmiz deyil
Dörd saat ərzində həll edirik. İstəməsəniz, təmizlik haqqı dərhal geri qaytarılır və hadisə evin qeydinə yazılır.
Su, işıq və ya isitmə yoxdur
Problem həll olunmayan hər gecə üçün ödəniş qaytarılır.
Elanda göstərilən imkan işləmir
Hovuz, sauna, manqal — işləmirsə, həmin imkanın qiymətə payı qaytarılır.
Zəmanət Brona vasitəsilə edilən və ödənişi tamamlanmış rezervasiyalara aiddir. Qonağın özünün yaratdığı zərər, hava şəraiti və ya rayon üzrə ümumi elektrik/su kəsintiləri bu siyahıya daxil deyil.
Evinizi bu standartla idarə edək
Elan, qiymət, təqvim, rezervasiya və ödəniş bizim üzərimizdədir. Hazırlığı siz aparırsınız, biz isə standartın gözlənilməsinə nəzarət edirik.